-- Advertisements --
NATIONAL NEWS– Gindig-unan ni Senate President Francis ‘Chiz’ Escudero nga dire kinahanglan nga mamutngaan ni Pangulong Ferdinand Marcos Jr. ha kaluyo han dire pagkaka-intindihay ha kampo hiton senado ngan House of Representative kasumpay ha impeachment trial ni Vice President Sara Duterte.
Ginpahayag hine nga an impeachment court in usa nga independent body ngan kun mayda man mag-kwestyon ha ira proseso in pwede nga igdaop ha Korte Suprema.
Dugang pa hine, sugad han bicameral committee nga kun nagkamayda hin bisan anu nga dire pagkaka-intindihay in pwede mamutngaan an executive branch.
Una na nga ginsigurado ni Escudero nga tatalinguhaon han mga manbaralaod an ira mandato nga trabaho kumo usa nga impeachment judges.
