TACLOBAN CITY- Nagpagawas han ira tagsa nga “expectation” an pira nga magbaralod han Sinirangan nga Bisayas kun ano an posible nga unod ha nagtitikaharani nga State of the Nation Address ( SONA) ni Presidente Rodrigo Roa Duterte.
Sumala kan Congressman Vicente “Ching” Veloso han ika-3 nga distrito ha probinsya han Leyte nga dako an posibilidad nga syahan nga paghihingadayan ni Pangulong Duterte an natatabo nga kasamok ha Marawi City kun diin igtataltag hini an mga pamaagi agud nga makab-ot an hingyap han mga residente nga pase orden.
Dugang pa ni Veloso, nga igpapatapod guihapon han pangulo ha mga investors nga manageable la guihapon an pagnegosyo ha nasud Pilipinas ha luyo han mga panhulga hin terorismo.
Kalakip guihapon han mga italtag hini an assessment may kalabutan han mahugot nga kampanya ala kontra ha illegal nga droga.
Mababaruan nga nakatalaan nga pagdudumaraon an ika-2 nga SONA ni Pangulong Duterte ha tiarabot nga Hulyo 24, Lunes nga adlaw.
