Utro nga ginpamatud-an ni Gazini Ganados an iya kusog ha international pageantry mahuman makasulod ha Top 3 han Preliminary Swimsuit Competition han Miss Grand International All Stars 2026.
Ha ginpagawas nga resulta han kompetisyon, nakakuha nan Filipina beauty queen hin score nga 9.79, rason agud makaupod hiya ha mga mayda pinakahitaas nga marka ngan marig-on an iya kampanya para ha pinakasyahannga Miss Grand All Stars crown.
Nanguna ha swinsuit preliminary an kandidata han Ghana nga hi Faith nga mayda 9.88, kasunod an Colombian nga hi Vanessa Pulgarin nga mayda 9.84, ngan hi Gazini an ikatulo.
Sumala ha mga pageant observers ngan fans, utro nga iginparayaw ni Gazini an iya commanding runway walk, confidence, ngan strong stage presence nga nagin rason agud makuha an hitaas nga marka tikang ha mga hurado.
Ha kabug-usan nga Top 15 preliminary swinsuit rankings, ginkakalakipan gihapon ini han mga kandidata tikang ha Venezuela, Dominican Republic, Armenia, Ecuador, United Kingdom, Thailand, ngan iba pa nga nasud nga nagpapakita hin makusog nga kompetisyon ha All Stars edition han pageant.
Pagbubuhaton an coronation night ha Mayo 30 ha Bangkok, Thailand.
