-- Advertisements --
Naisirbi na han Police Regional Office 11 (PRO 11) an order nga nagbabawi ha lisensiya han mga pusil ni Sen. Ronald Dela Rosa.
Naisirbi an nasabi nga dokumento kan Atty. Vicente Adrian Pajaro, an legal representative ni Sen. Dela Rosa.
Sumala ha PNP-Regional Civil Security Unit 11 (RCSU 11), ginpangunahan han Davao City Police Office an pagsisirbi han Order of Revocation para ha License to Own and Possess Firearms (LTOPF) ngan Firearms Registrations (FR) han nagtatago nga senador.
Ha pagkayana, waray pa impormasyon kun naibalik na ha PNP an mga pusil han senador nga maabot ha sobra 100 ka-piraso nga ginbubug-os hin shotgun, rifle, handgun, ngan iba pa.
