Ginkumpirma ni Interior Sec. Juanito Victor “Jonvic” Remulla nga naka-istorya niya hi Sen. Jinggoy Estrada kasumpay han mga posible pitad han senador kasunod han ginlalauman nga pag-gawas han warrant of arrest tikang ha Sandiganbayan.
Sumala kan Remulla, napag-hisgotan nira an mga posible nga “options” ni Estrada kasundo han pagsumite han kaso nga plunder ngan graft kontra ha senador han Office of the Ombudsman kasumpay han iregularidad ha flood control projects ngan ginmalatumat nga ilegal nga budget insertions ha Department of Public Works and Highways, nga may kabug-usan nga kickbacks nga maabot ha P573 million.
Sugadman, bumaribad an sekretarya nga igpaangbit ha publiko an detalye han mga nasabi nga opsyon, ngan ginmalatumat nga magpapabilin ini nga pribado kutob nga karawton o tanggihan ini ni Estrada.
Samtang, ginmalatumat naman ni Sen. Jinggoy nga gagamiton han iya kampo an tanan nga legal remedy agud kuwestyunon an mga kaso nga ginpasaka kontra ha iya.
