Lumaprak an kontibusyon han turismo ha ekonomiya han Pilipinas dida han 2025 mahitungod ha mas hamubo nga gastos han mga langyawanon nga turista.
Subay ha Philippine Statistics Authority (PSA), lumaprak ha 8.1% an parte han turismo ha ekonomiya tikang ha 8.7% dida han 2024. Ha kabug-usan, umabot la ha P2.27 trilyon an amot han sektor, mas hamubo kumpara ha P2.30 trilyon dida han nakalabay nga tuig.
Igin pakita gihapon han datos nga gumuti hin 6.4% an ginastos han mga langyawanon nga turista nga nabisita ha nasud. Sugadman, huimitaas an gastos han mga Pilipinas nga nagbibiyahe pagawas han nasud ngan magin han mga lokal nga turista nga nabiyahe ha sulod han Pilipinas. Mahitungod hini, humitaas hin gutiay an kabug-usan nga tourim expenditure ha nasud.
Ha kaluyo han paghinay han kontribusyon han turismo ha ekonomiya, nadugangan la gihapon an ihap han mga nagtatrabaho ha sektor. Umabot ha 7.70 milyon an tourism-related jobs dida han 2025, kaparehas han 15.7% han kabug-usan nga trabaho ha nasud. Iginpapakita hini nga nagpapabilin nga importante an ginkukuhaan han pakabuhi an turismo para ha mas damo nga Pilipino.
Subay ha mga ekonomista, naapektaran la gihapon an turismo han mga pankalibutan nga problema sugad han tensyon-geopolitikal, hitaas nga presyo han lana, ngan waray kasiguraduhan nga ekonomiya.
Positibo naman an epekto han plano nga visa-free entry para ha mga turista nga Chinese, pero ginmalatumat hini nga kinahanglan la gihapon pag-upayon an imprastraktura han nasud agud makaagaht hin mas damo nga langyawanon nga turista.
