Posible nga makumpleto an regional study han joint stockpiling han crude oil ngan produkto petrolyo ha mga nasud nga sakop han Association of Southeast Asian Nations (ASEAN) yana nga Nobyembre, sumala kan Trade Secretary Cristina Roque.
Dida han Abril, gin-aghat ni Presidente Marcos an mga nasud nga suportahan an proposal han Economic Research Institute for ASEAN ngan East Asia (ERIA) para igtukod an oil stockpile ha Southeast Asia.
Ginpahayag ni Roque nga nakigkita na hiya ha international agency dida han nakalabay nga semana agud ig-unabi an mga bag-o nga impormasyon may kalabotan han nasabi nga plano.
An panuyo han ERIA in maghimo hin coordinated regional oil ngan gas stockpile para dayon nga makaresponde ha mga potensyal nga pagsaka ha presyo han gasolina.
