Gin dayaw ni House Speaker Faustino “Bojie” Dy III an mga Pilipino ngan school leaders mahuman umabante an performance han Pilipinas ha 2025 Programme for International Student Assessment (PISA).
Mensahe ini ni Dy kasumpay ha National Teachers’ Month kun diin nasakto gihapon an pagkab-ot han nasud hitaas nga iskor ha Reading, Mathematics, ngan Science.
Ginmalatumat ni Dy nga dako nga parte han progreso an mga magturutdo nga adlaw-adlaw, nagtututdo, naggigiya, ngan nagsasakripisyo para ha mga kabataan.
Gindayaw gihapon ni Dy hi Education Secretary Sonny Angara ngan an suporta han administrasyon ni Presidente Ferdinand Marcos Jr.
Bisan man nagseselebrar in iginduon ni Dy nga damo pa an kinahanglan himuon agud mas mapahitaas an kalidad han edukasyon ngan an progreso ngan maka-abot ha kada klasrum ngan kada bata nga Pilipino.
Duon pa hini, importante nga magbinuligay an gobyerno ngan Kongreso ha pagpapatuman ha mga reporma, programa, ngan pag-aalutaga han pondo nga kinahanglan han mga magturutdo, istudyante, ngan pagpapaupay han kalidad han edukasyon.
