INTERNATIONAL – Nagpahayag hin duro nga pagkamasalub-on an lider han Simbahan Katolika nga hi Pope Leo XIV ha pag-atake han Israel ha usa nga simbahan ha Gaza ngan umapela para ha dayon nga paghuhuman han gintatawag niya nga ‘barbarity’ ha giyera ha Gaza.
Dida han aga han Huybes han maigo an usa nga Holy Family Church nga pumatay ha tulo ka-tawo tikang ha maabot 600 Gazans nga temporaryo nangungukoy ngadto ngan iginkasamad han iba pa kaupod an mismo kura paroko nga hi Fr. Gabriel Romanelli.
Dida han nakalabay ng Dominggo, Mahuman an pag-ampo han Angelus prayer ha iya summer residence ha Castel Gandolfo, gin ngaranan ngan ginampo han banal nga Santo Papa an tulo nga biktima nga hira Saad Issa Kostandi Salameh, Foumia Issa Latif Ayyad, ngan Najwa Ibrahim Latif Abu Daoud nga harani ha iya ngan iya pamilya.
Duon han Santo Papa nga an mao nga pag-atake in usa la ha padayon nga military attacks kontra ha mga sibilyan ngan mga lugar han pag-ampo ha Gaza.
Kasumpay hini, utro nga umapela an Holy Father para ha mahimyang nga pagresolba han kasamok.
Ginaghat gihapon han Santo Papa an international community nga igpabaw-baw an humanitarian law ngan irespeto an obligasyon protheran an mga sibilyan sugadman an pagdidire ha kolektibo nga pansirot, sugad man an indiscriminate use of force ngan pwersahay nga pagpapaiwas ha mga molupyo.
