NATIONAL– Gin-aghat han Philippine National Police (PNP) an publiko nga igpabilin nga magin vigilante ha butnga han padayon nga pagdamo han cryptocurrency ngan online investment scams, mahuman nga maitala an ginatos-gatos nga kaso han nakalabay nga tuig.
Sumala kan PNP chief Gen. Jose Melencio Nartatez Jr., kinahanglan nga maghirot an mga Pilipino ha mga online platform nga mga nanhuhugay.
Subay ha datos han PNP Anti-Cybercrime Group (ACG), umabot ha 311 investment scam cases an naitala tikang han Enero 1 -Disyembre 31, 2025.
Ha mao nga ihap, 12 dinhe an may kasumpay ha cryptocurrency schemes.
Iginpakita ha mga report nga gin-aaghat han mga scammer an ira mga biktima pinaagi han hitaas nga kuhida ngan pira nga mga higayon in gintutugutan pa an mga pauna nga withdrawal agud nga makuha an pagtapod han mga ine.
Nagpahimatngon hi Nartatez nga dire la salapi an nagbubutang ha kadelikaduhan magin an personal nga seguridad han mga biktima.
Ginsagdunan han PNP an publiko nga ig-verify an mga investment platform, likayan an mga gin-ooffer nga higtaas nga kuhida, ngan dire makiparte ha personal nga banking o account details online.
