TACLOBAN CITY – Diri na makakaakomodar hin kadugangan nga mga enrollees an pira nga skwelahan ha syudad han Tacloban may kalabutan han nagkikitaharani nga pag abre han klase sunod nga semana.
May kalabutan hini guinklaro han prinsipal han Rizal Central School nga hi Greg Galos nga diri na hira makakaakomodar hin kadugangan ngan panibag-o nga enrolees o mga transferees ha kaluyo han guinpapatuman nga standard class size han Department of Education (DepEd).
Dugang pa ni Galos nga waray na mabubutangan hin kadugangan pa nga mga studyante mahitungod nga umabot na hin tag 40 an ihap han studyante ha usa nag section.
Guinmalatumat pa hini nga an kakulangan gud han classroom an hinungdan nga diri makaakomodar hin dugang nga ihap han mga magpapaenrol.
May kalabutan hini, naghangyo naman hi Prinicipal Galos ha mga kag-anak nga igpaenrol an mga kabataan ha mga skwelahan nga may nabibilin pa nga mga slots.
