Pormal nga ginlunsar han Department of Trade and Industry Leyte an Taragpo 3.0: Where Traditional Art Meets Audio-Visual Creativity, usa nga art exhibition nga naghahatag hin pagkilala ha talento, ngan mga obra han mga taga-Leyte ha larangan han tradisyunal ngan makabag-o nga sining.
Gindumara an pag-aabri han nasabi nga art exhibit ha usa nga mall ha Marasbaras, Tacloban City dida han Setyembre 10, 2026 kun diin, mag-iiha naman ini kutob Setyembre 13.
Sumala kan DTI Leyte Provincial Director, Faustino “JoJo” Gayas Jr. nga an nasabi nga eksibisyon in kaparte han pagselebrar ha Philippine Creative Industries Month kun diin, dire la painting ngan tradisyunal nga sining an ginpapakita dinhi. Tampok gihapon an audio-visual ngan digital art nga nagpapakita han pagtampo han kultura ngan makabag-o nga teknolohiya.
Panuyuan han DTI-Leyte nga tagan hin mas haluwag nga entablado an mga lokal artists samtang ginaaghat an publiko nga suportaran an naribhong nga creative sector han probinsya.
Sumala pa kan Gayas, nga an Taragpo in dire la usa nga art exhibition mahitungod nga usa gihapon ini nga katitirok han sining, kultura, ngan entrepreneurship nga nag-aabri ha mga oportunidad para ha mga artists nga maipakita an ria mga obra ngan makabug-os hin koneksyon ha iba pa nga creative professionals ngan stakeholders.
Samtang, kaparte naman han programa an padayon nga paningkamot han ahensya nga pakusgon an creative economy han Leyte ha pamamaagi han paghahatag hin mga plataporma nga nagpapakilala ha kakarit han mga lokal nga alagad han sining ngan an ira amot ha pagpapa-uswag han industriya han sining ha Sinirangan Bisayas.
