Gin manduhan ni Senator Mark Villar an Bangko Sentral ng Pilipinas (BSP) nga magpasa hin report kasumpay ha resulta han implementasyon han Anti-Financial Account Scamming Act (AFASA) kontra ha mga online scams.
Ha budget hearing in gin aro ni Villar, Chairman han Senate Committee on Banks nga author han balaod, ha BSP an datos han mga nadakop ngan napagbaton nga scammers.
Gin malatumat naman ni BSP General Counsel Roberto Figueroa nga dako an naibulig han balaod gud mapakusog an kapas han BSP nga puypuyon an scams ngan fraud.
Pamatuod dinhi an nahipatik han Philippine National Police Anti-Cybercrime Group (PNP-ACG) hadton 2025 nga 527 nga kaso nga naresolba mahitungod ha AFASA ngan nahipatik gihapon an pag-ubos han mga insidente han online scam ha syahan nga parte han 2026.
Natapod naman ni Villar nga mahitungod ha positibo nga resulta han balaod, mas mapapakusog an imbestigasyon nga pagsasalawad hin kaso konta ha mga scammers ngan posible gihapon mabawi an salapi nga nawara ha mga biktima.
