TACLOBAN CITY -Pira nga mga National ID holder ha Sinirangan Bisayas, dismasyado ha kalidad han National IDs nga ira nakarawat matungod nga madagmit ine nga napapara, partikular na an ira mga nawong.
Sumala kan Zia Bohol, usa ha mga nagrereklamo han National ID nga subay ha iya napapara an iya nawong.
Ha datos naman han Philippine Statistics Authority, hadton 2024 umabot ha 91 milyon an nakapag registered han national IDs ngan yana nga tuig naman in umabot ine ha 92 milyon hadton Pebrero ngan sobra 55 milyon na an naipanhatag hadton 2024.
Subay ha PSA kinahanglan pa han ira departamento an dugang nga pondo para ha National ID backlog nga 36 milyon.
Dagang naman ni Zia, dire gihapon nababasa an iya National IDs ngan nakasulod la ha iya wallet sugad han iya pira nga mga IDs.
Sumala hine, may mga online transaction hiya nga dire nahihimo matungod nga dire klarado an pagkaka-imprenta han iya litrato.
Ha nagin baton naman han Philippine Statistics Authority Eastern Visayas, abre an ira buhatan ngan pwede an mga ine pumakadto ha ira agud nga umaro hin panibag-o nga kopya han National IDs. (via Bombo Jake Paguipo)
