INTERNATIONAL NEWS– Nagtitirok an grupo hiton mga kababayin-an ha St. Peter’s Basilica, ngan nagpasarang hin pink nga asu, kun diin ngpapahayag ine han ira pagkadismaya ha padayon nga pag-minus ha katungod han mga ine ha Simbahan.
Sumala kan Miriam Duignan han Wijngaards Institute, iya ginmalatumat ha mga cardinals nga dire nira pwede igbaliwaray an katunga hiton populasyon han mga tumulu-o, agud nga magdisisyon ha kinabubuwason hiton Simbahang Katolika.
Nanawagan gihapon an mga ine hin pagbabag-o, ha kaluyo han kadilikaduhan han pagkadako ni Duignan han 2011 mahuman ine nga magpirit nga sumulod ha Vatican para personal nga igsalawad an petisyon.
Subay ha mga ine, an mga kababayin-an in mayda importante nga papel hadto ha Simbahan, ugsa pa mareporma an medieval nga nagpakusog ha katungod han mga kalalakin-an nga manguna ha Simbahan.
Sugadman, kutob yana in dire la gihapon gintutugutan nga maordinahan an mga kababayin-an, ha kaluyo nga kadam-an ha ira in may hitaas nga lebel hiton pag-aradman.
