NATIONAL – Ginsigurado ni Presidente Ferdinand Marcos Jr. nga nakaandam na an gobyerno para batunon an anuman nga panginahanglan han mga kababayan tikang ha epekto han Bagyo Crising.
Personal naman nga gin panginano han presidente an warehouse han Department of Social Welfare and Development (DSWD) kakulop nga adlaw, kun diin gindudumara an repacking han mga family food packs nga igpapanhatag ha mga maapektaran han bagyo.
Sumala ha Presidente, ginagamitan na hin bag-o nga makinarya an pag-repack ha mga relief goods nga ginbubug-os han magkaduru-dilain nga health kits, sanitary kits, family dress kit, ngan cooking set.
Mahitungod hiton bag-o nga makinarya nagigin madagmit an pag-repack.
Iginbida gihapon han Presidente an mga balde nga mayda filter nga pwede butangan hin tubig nga bisan dire malimpyo an tubig, kun mafilter ine in pwede na ine inumon.
Sumala pa ha Presidente, dako nga butang an mga balde nga mayda filter labi na ha panahon han bagyo nga kinukurian makainom hin malimpyo nga tubig mahitungod ha mga pagbaha.
