-- Advertisements --
NATIONAL – Ginsigurado ni Pres. Ferdinand Marcos Jr. nga padayon nga ighihirani han gobyerno an trabaho para ha mga job seekers.
Mahitungod hini, ginmando han Presidente ha Department of Labor and Employment (DOLE) an paghimo hin job fair kada bulan, agud mapahitaas an ihap han mga Pilipino nga may trabaho.
Ginkalipay gihapon han Presidente nga tikang han Hulyo 2022 kutob Pebrero 2025, nagkaada na hin 4,000 nga job fairs an gobyerno, nga gin-atenderan hin sobra usa ka milyon nga Pilipino, kun diin haros 170,000 an na hire on the spot.
Sumala kan Pres. Marcos, baton ini han gobyerno han pankinahanglan nga magin madig-on an pundasyon han mga mananarabaho.
