MAYDOLONG, EASTERN SAMAR – Usa nga patay nga lawas nga hin pulis an natad-an ha ligid han dagat ha Brgy. Omawas, Maydolong, Eastern Samar.
Ginkilala an biktima usa nga Police Corporal, 30-anyos an pangidaron, ngan residente han Brgy. Maybocog, Maydolong, Eastern Samar.
Sumala kan Eastern Samar Police Provincial Office Provincial Director, PCol. Ernesto Macasil, nakit-an an biktima han mga paru-pangisda ha nasabi nga lugar.
Kun diin mayda ine igo hin pusil ha tu-o nga parte han ulo hine.
Samtang, ginhuhulat pa naman an opisyal nga report han SOCO.
Narekober naman ha lugar han insidente an basiyo hin usa nga 9mm caliber .45 ngan an pusil nga gin aalegar an issued service firearm hine.
Gin aalegar naman nga nag-awat han iya kinabuhi an biktima pero padayon pa ine nga gin iimbestigahan.
