TACLOBAN CITY – Waray na kinabuhi han makit-an an usa nga parag-uma sapit an karabaw hini mahuman nga makuryente samtang tikadto ha hagna hini ha Brgy. Tombo, bungto han Alangalang, Leyte.
Ginkilala an mao nga biktima nga hi Romualdo Pace, 69 anyos an pangidaron ngan residente han Brgy. Santiago, Alangalang Leyte nga upat kakilometros an kahirayo ha Brgy. Tombo.
Sumala kan Pol. Chief Master Sgt. Alejandro Alve, investigator han Alangalang Municipal Police Station, samtang tikadto ha umhanan hini an mao nga parag-uma kaupod an iya karabaw nga may karga nga abuno in aksidente hini nga nasabod an usa nga live wire nga nautod tungod han paglasurbo han bagyong Ursula nga waray pa kaaayad han LEYECO III.
Posible naman nga magkaada hin liability an LEYECO III tungod nga waray hini kaaksyuni dayon an problema han nautod nga kable hin kuryente ha mao nga lugar.
