TACLOBAN CITY – Patay an usa nga lalaki mahuman nga pagpamumusilon han duha nga waray pa kakikilal-i nga suspek ha Brgy. Upper Hiraan, Carigara, Leyte.
Una hini ginkilala an mao nga biktima nga hi Frederico Tapalla, 49 anyos an pangidaron, ngan residente han mao nga barangay.
Sumala kan PSSgt. Marlou Javines, Investigator han Carigara PNP, nakarigo ha ligid han karsada dapit han irigasyon an mao nga biktima han tigda nala nga may dumaop nga duha nga lalaki ngan ginpanmumusil ine.
Nakag-angkon hin unom nga inig-an hin bala ha magkadirudilain nga parte han lawas han biktima nga naging rason han dayon nga kamatayon hini
An pamahayag ni PSSgt. Marlou Javines, Investigator han Carigara PNP
Blanko naman ha pagkayana an pamilya han biktima kun hino an posible nga responsable han mao nga krimen nga mayda dako nga kasinahon han biktima.
Ha pagkayana in padayon an gindudumara nga imbestigasyon han mga otoridad agud nga madakop an mga suspek han mao nga insidente.
