TACLOBAN CITY – Nagtutuo an pira nga mga ekonomista ha rehiyon nga posible nga magkaada hin paghitaas han unemployment rate kun dire pag-adman hin maupay an pagpapatuman hin minimum wage increase ha mga lugar ha nasud.
Sumala kan Christopher Bacungan, usa nga ekonomista ngan propesor ha EVSU Tacloban Main Campus, posible nga maging epekto hini an shor run increase ha unemployment rate ha nasud.
An wage increase in maupay para ha mga empleyado o mananarabaho pero posible naman nga makurian an mga employers ha pagpapasweldo ha ira mga empleyado kun magkaada hin paghitaas han minimum wage.
Tungod hini, maaraba an mga employers ngan tungod han mahal nga pagpapasweldo posible nga dire na an mga ini maghire hin mas damo nga mga empleyado nga magdudurot naman hin increase ha unemployment o waray trabaho ha nasud.
Gintagan hini hin duon nga kinahanglan nga pag adman hin maupay han mga ahensya ngan otoridad kun angay o napapanahon na an pagkakaada hin wage increase.
Nahibaruan nga damo nga mga grupo an nananawagan han pag increase ha minimum wage tungod han paghitaas liwat han presyo han mga papliton ngan serbisyo.
