NATIONAL NEWS– Ginsigirado han lider han Kamara nga an pagpapahamubo han presyo han mga pangunahon nga papliton ngan an pagpapadig-on han ekonomiya an nagpapabilin nga prayoridad han administrasyon ni Pangulong Ferdinand Marcos Jr.
Ine an ginpahayag ni Speaker Ferdinand Martin G. Romualdez mahuman nga gumawas an report nga Moody’s Analytics ha nagin epekto ha nasud han inflation o paghitaas han presyo han mga papliton ngan an posible nga panginahanglan nga pahamub-an an interest rate.
Ine naman in makakabulig nga mapahitaas an demand ngan maparibhong an ekonomiya.
Ha pinaka bag-o nga datos han ekonomiya in humamubo hin 2.9% an inflation hadton Enero 2025, kun diin humitaas naman hin 4% an food inflation, nga nagpapahibaro nga maluya an supply chain han nasud.
