METRO MANILA – Nahuman na an paghisgot han House Committee on Justice kasumpay ha ikatulo nga impeachment complaint kontra kan Vice President Sara Duterte nga ginpasaka han grupo han mga padi, madre, ngan abogado nga gin-endorso ni Mamamayang Liberal Party-List Rep. Leila De Lima.
Ginbuhat han komite an botosay kun an reklamo in sufficient in substance.
Kaupod ha mga constitutional grounds han reklamo an culpable violation of the constitution, bribery, graft and corruption, other high crimes ngan betrayal of public trust ngan ha kapakyas hini nga magdeklara han iya Statement of Assets, Liabillities and Networth (SALN).
Upod dinhi an mga alegasyon han dire insakto nga paggamit ni VP Sara han confidential funds ngan bribery ha mga opisyal han Department of Education ngan pagkuha hin hitman nga mapatay kan Pres. Ferdinand Marcos Jr., First Lady Liza-Araneta Marcos, ngan anay Speaker Martin Romualdez.
Ha deliberasyon dida han mga nakalabay nga adlaw, ginpagawas ha komite an pira nga video tikang ha nagin pagdungog han House Committee on Good Governance and Public Accountability dida han 19th Congress.
