NATIONAL – Gin-anunsyo ni Department of Agriculture (DA) Sec Francisco Tiu Laurel Jr. nga makakapalit na gihapon hin tag P20 kada kilo hin bugas an mga drayber han jeep ngan tricycle tikang yana nga Setyembre 16.
Sumala han opisyal nga nakig koordinar na an DA ha Department of Transportation para gamiton an ira database agud nga makuha an listahan han mga lehitimo nga drayber han panpubliko nga transportasyon.
Kaupod gihapon ha makakabenispyo hine an mga benepisyaryo han Walang Gutom program han DSWD ngan mga low-income employees han Department of Education.
Puwede hira nga pumalit hin 10 ka kilo hin bugas kada bulan gamit la an valid ID o QR code.
Samtang, sumala kan Laurel nga iglulunsar gihapon han buhatan an P20 App ha Oktubre 1 para mas magin madagmit an pandistribwer ngan masiguro an transparency han programa.
Pagsiguro niya nga maysadang nga suplay para ha plano nga pagbaligya hin 1.2 milyon nga sako hin bugas han National Food Authority ha masunod nga bulan.
