TACLOBAN CITY – Ginmanduhan ni Ormoc City Mayor Richard Gomez an mga molopyo hini nga igreport an tanan nga mga Sand and Gravel collector nga nangunguha hin sobra sobra nga mineral ngan waray kaangayan nga permiso.
Sumala kan Mayor Gomez, may limitasyon an ira pagtugot ha mga sand and gravel extraction tungod nga mas importante an pagprotehir ha kalibungan .
Base ha Executive Order 17 ha syudad han Ormoc, igindidire an Sand and Gravel Operations kun weekend o holidays.
Dugang pa han alkalde waray naman problema ha mao nga mga operasyon basta la magsusunod ha palisiya ngan makuha han kaangayan nga permit.
Mababaruan nga dida han nakalabay nga Pebrero, ginsuspender ni Mayor Goma an exportation han sand and gravel ha ira syudad tungod han distroso nga naidurot hini ha mga local rivers han Ormoc.
Nagpirma gihapon hi Gomez ha mao nga bulan hin executive order nga nagsususpender han bag-o nga mga applications ngan renewal han sand and gravel permits.
