NATIONAL – Plano han Office of the Civil Defense (OCD) nga magtudlok hin green lane ha tulay han San Juanico para han mga sarakyan nga nagdadara hin mga basic commodities.
Sumala kan OCD spokesperson Chris Noel Bendijo, ginkokonsidera yana an mga daan nga pantalan ngan kadugangan nga mga permiso para han landing craft tanks basi ma-akomodar an mga apektado nga mga truck nga nagdadara hin mga basic commodities agud maibanan an epekto han restriksiyon ha mga naagi ha nasabi nga tulay.
Tungod han tiarabot nga panahon han uran nga posible maglimita han kadamo han roll-on/roll-off (RoRo) operations, nagsering an mga opisyales han OCD nga nagbibiling na hira hin mga posible nga solusyon.
Ginmalatumat gihapon hini nga mayda proposal nga magtindog hin bag-o nga tulay para magkamay-ada hin darudamo nga alternatibo nga ruta para han mga apektado nga lugar.
