INTERNATIONAL – Ginkumpirma han North Korea ha siyahan nga higayon nga nagpadara hira hin mga sundalo ha Russia agud suportahan an kampanya han Moscow kontra Ukraine.
Sumala ha pahayag han Central Military Commission han ruling Worker’s Party, gin-aprubahan ni North Korean leader Kim Jong-un an pagpadara han ira combat troops ha ilarum han mutual defense treaty han duha nga nasud.
Sumala kan Kim, nga panuyuan hini nga pitad in an pagbulig ha Russia ha pakig-away kontra han gintatawag niya nga “neo-Nazi occupiers” ha Ukraine, labi na an operasyon para mabawi an Kursk region.
Gintawag gihapon niya nga mga bayani han ira nasud an mga North Korean soldiers nga nakikigbisog para ha hustisya.
Nahinunumduman nga dida han Marso, ginmalatumat han South Korean military nga nagpadara an North Korea hin kadugangan nga 3,000 nga sundalo ha Russia ha siyahan nga kwarter han 2025. Sumala ha Joint Chiefs han South Korea, ginbabanabana nga mga 4,000 nga North Korean soldiers an napatay o nasamaran ha pakig-away ha mga front lines han Russian-Ukraine conflict.
