NATIONAL – Gin sigurado han National Economic and Development Authority o NEDA an pagpapadayon han gobyerno ha mga proactive nga pitad agud masigurado an supresyente nga suplay han pagkaon samtang ginpapadig-on gihapon an agricultural productivity.
Kahuman ine han report han Philippine Statistics Authority (PSA) nga paghinay han inflation ha 2.1% dida han Pebrero, kumpara ha 2.9 % dida han Enero.
Sumala kan NEDA Sec. Arsenio Balisacan, tatalinguhaon han gobyerno nga mapabilin an hamubo nga inflation agud maproteheran an purchasing power han mga Pilipino.
Ine in ha kaluyo han ginlalauman nga unom ngada ha 13 nga bagyo nga mabubug-os tikang yana nga bulan han Marso kutob ha Agosto.
Mahitungod hine, igpapatuman na gihapon han Department of Agriculture (DA) an La Niña action plan agud proteheran an produksyon han pagkaon.
Kaupod ha action plan in an water management, financial assistance, ngan credit support, sugadman an pagpapasarang han sakto nga impormasyon kasumpay ha La Niña.
