Usa nga kakaiba nga dedikasyon para ha iginkokonsidera niya nga simbolo han paglaum an iginpakita han Amerikana nga hi Aleshia Wiley mahuman niya opisyal nga makuha an Guinness World Record title na “largest collection of Wonder Woman memorabilia”.
An tubo nga West Georgia in nagtatag-iya han kabug-usan nga 1,581 nga iba-iba nga Wonder Woman memorabilia.
Nagtikang an pagkahilig ni Aleshia kan Wonder Woamn dida han early 2000s pinaagi han panonood hin Justice League animated series. Duro hiya nga nahilig ha kakusog ngan kabaltok ni Wonder Woman, nga sumala ha iya in nagserbi nga pahinumdom nga waray dire akos himuon an mga kababayen-an.
Sn pinakasyahan nga item nga nagtikang han iya koleksyon in an comic book nga Wonder Woman #1 (1987) nga ginsurat ni George Perez, nga napalit niya ha usa nga flea market ha Florida.
Ha presente, ginbubug-os hin sobra 1,000 nga magkakaiba nga edisyon han komiks an iya koleksyon, labot pa ha mga Funk Pops, action figures, ngan iba pa nga kakaiba nga mulayan.
Iginkokonsidera niya nga pinaka-espesyal o “holy grail” ha ngatanan an usa ka-edisyon han komiks nga mayda autograph han comicbook writer nga hi Stan Lee ngan han aktres nga hi Lynda Carter, an usa ha mga nauna nga gumanap kumo Wonder Woman.
Ha kaluyo han punong-puno niya nga mga estante, waray plano hi Aleshia nga ig undang an iya pangongolekta.
