Gin kwestyon ni Senador Panfilo ”Ping” Lacson dida han Dominggo an plano han National Bureau of Investigation (NBI) nga igpatawag pinaagi han subpoena an asawa ni Senador Ronald dela Rosa agud matudlok an kinamumutangan han magbabalaod, nga ginpapamiling kasumpay han arrest warrant tikang ha International Criminal Court (ICC).
Ha usa nga post ha social media, gintawag ni Lacson nga “trabahong-tamad” ngan indikasyon han mahinay nga intelligence work an nasabi nga pitad.
Duon han magbabalaod, dire kinahanglan igdabi an asawa han senador, nga hi Nancy Dela Rosa, ha pamiling kan Bato.
Gin klaro naman ni Matibag nga dire panuyo han subpoena nga direkta tudlukon an kinamumutangan ni Dela Rosa.
Sumala hini, kaparte la ini han imbestigasyon kasumpay han notisya nga nagpadara hi Nancy hin text message kan Senate President Alan Peter Cayetano han lumakat an senador ha Senado dida han Mayo 13.
Ginmalatumat pa han NBI nga ginpapanginano gihapon nira kun ginamit an insidente han pamusil ha Senado kumo distraction agud makaiskapo hi Dela Rosa ngan kun hin-o an posible nga nagmando hini.
