TACLOBAN CITY – Ginmalatumat hiton National Housing Authority, nga posible bawian iton mga pabahay adton mga home ower nga dire gin-uukyan an nasabi nga mga unit.
Han nakalabay nga Mayo 2025 an datos han total nga Yolanda housing ha Leyte in ada ha 13,765, ha Biliran in mayda 7,918, ha probinsya naman han Samar in mayda 6,590, ha Eastern Samar in mayda 5,383 ngan 13,777 naman dinhi ha syudad han Tacloban.
Sumala kan Engr. Clemente A. Dayot, Regional Manager han National Housing Authority Region 8, human na umagi ha sakto nga proseso an mga pabahay ngan kinahanglan na ine nga ukyan hiton mga beneficiaries.
Manunumduman nga dida han termino han Benigno Aquino in nag alutaga ini hin pondo nga maabot ha 76 million ha tanan nga Yolanda Housing ngan dida han naglabay nga tuig ngan yana in nadugangan pa ini an pondo.
Tungod hini damo gihap nga programa an igin alutaga han National Housing, sugad han pabahay para han mga former rebel, empleyado han gobyerno nga waray kapas makagtukod hin balay ngan sugad han mga nasunugan.
Usa ha mga nakikita nga problema han mga naukoy in waray sakto nga malimpyo nga tubig sugad ha Palo, ngan sugad man dinhi ha syudad han Tacloban ha Brgy. Salvacion.
Depensa naman han National Housing an local nga pangobyernuhan an may kapas nga kumapot ngan manginano han mga tubig matungod nga an trabaho an NHA in magtukod la hin mga pabahay.
via | Bombo Jake Paguipo
