KINOKAWA, JAPAN – Ha usa nga porma nga seremonya nga gin-atenderan han mga opisyal han Wakayama Railway Electric company, opisyal na nga gintudlok an calico cat nga hi Yontama kumo station master han Kishi Station ha Kinokawa City.
An nasabi nga posisyon in nakabakante mahuman tumalikod an anay station master nga hi Nitama dida han Nobyembre, nga nagsirbe ha riles ha sakob han haros usa ka-dekada.
Ha pangunguna ni Wakayama Electric Railway President Mitsunobu Kojima, ginsul-ot an usa nga medalya ha liog ni Yontama kumo simbolo han iya bag-o nga resposibilidad ha istasyon.
Bisaman nga katuwaan la para ha iba, seryoso ngan importante an papel han mga “cat station masters” ha kasaysayan han istasyon.
An ira presensiya in nagsisirbi nga major tourist attraction nga nabuhi ha ekonomiya han rural railway line nga anay in nanganganib na nga magsara mahitungod ha kakulangang han pasaheros.
Ha parehas nga okasyon, ginpakilala gihapon han kompanya an ira pinakabag-o nga recruit nga hi Rokutama, usa nga calico kitten.
Ginklaro naman han kumpana nga dire hi Rokutama apprentice kundi usa nga “station master candidate”.
