INTERNATIONAL NEWS– Ginkasuhan han US state of Minnesota ngan Illinois hi US President Donald Trump kumo kaparte han pagpugong han pagpasarang han federal immigration agents ha lugar.
An nasabi nga pagpasaka han kaso in kasunod han pagkamatay han 37-anyos nga babayi nga hi Renee Good nga ginpamumusil han Immigration Custom Enforcement (ICE) agent.
Ha nasabi nga kaso in ginhangyo nira ha federal court nga igdeklara nga iligal anpagpapasarang han ICE agents.
Una hine , naglarab an gios protesta ha magkalain-lain nga parte han US, kumo pagkondina ha pagpatay kan Good.
Kumpiyansa naman an kampo ni Trump nga magdadaog hira ha nasabi nga kaso kun diin ginmalatumat ni White House Border Czar Tom Homan, nga ira igpapatuman la an balaod kun gin-aprubaran ine han kongreso.
Waray naman magpalantad hi Trump kun diin mas dudugangan pa niya an ihap han mga ICE agents nga igpapasarang ha lugar.
