TACLOBAN CITY – Maabot na ha 90% han mga dalan ha Brgy. 55 El Reposo Tacloban City an nalimpyuhan ngan natanggalan na hin mga struktura nga nagpapakaulang ha agian.
![](https://img.bomboradyo.com/tacloban/2021/01/El-Reposo-Demolition.jpg)
Ini in kasumpay han nagpapadayon nga road clearing ha syudad subay ha kamanduan han DILG.
Sumala kan Richard David Estrada, kapitan han mao nga barangay, pira ha ira mga molopyo an nagtagibuot nala pag-una pan-guba han ira mga struktura ngan panimalay nga nakakaulang ha kadalanan san-o pa man umabot an demolition team han syudad.
Ini in para magamitan o marecycle pa an ira mga materiales ngan gamit ha ira panimalay imbes nga igdemolish han mga nakatuka han road clearing.
Samtang, maabot naman ha 45 nga mga panchon ha El Reposo Cemetery an matataraan han road clearing sanglit ginpanawagan han mga opisyales ha mga pamilya han nagpakalubong ha mao nga lugar nga pankuhaon nala an mga ini agud nga maibalhin ha iba nga memorial o sementeryo.