TACLOBAN CITY – Nakapaghipatik hin maabot P3.7M an kabug-usan nga danyos ha gindumara nga partial damage assessment han Bureau of Fisheries and Aquatic Resources Region 8 hiunong han mga nagkaapektaran nga aqua farms dida han pandestruso ni Bagyong Enteng.
An mga fish pond, fish cages ngan padakuan hin pasayan in mga halimbawa hiton mga aqua farms nga kun diin, naapektaran an mga ini dida han nakalabay nga kalamidad.
Sumala kan Bureau of Fisheries and Aquatic Resources VIII, Information Officer Christine Gresola nga kaurugan nga naapektaran nga mga aqua farms in an mga munisipyo nga aada ha Northern Samar kun diin, nakapaghipatik hira hin maabot 94 nga mga aqua farm operators ha magkadurudilain nga munisipyo.
Basar han ira assessment nga grabe nga naapektaran an mga aqua farms han munisipalidad hiton Rosario, Catubig, Allen, Victoria, San Roque, Lavezarez, ngan Lope de Vega. Nakapaghipatik gihapon hira hin duha nga muncipal boats an naruba tungod han bagyo.
Ha pagkayana in naghihimo na hira hin mga kaangayan nga pitad sugadman hiton proposal nga ira ighahatag ha mga concern agencies sugad nala hiton DSWD, OCD, ngan NDRRMC agud mabuligan iton mga molupyo nga naapektaran han Bagyong Enteng.
