Plano han Department of Agriculture nga mas pakusgon pa an lokal nga produksyon ngan solar irrigation projects ha nasud, kumo pangandaman ha Super El Nino.
Ginmalatumat ni DA Assistant Sec. and spokesperson Arnel De Mesa nga dako an mattipid han mga parag-uma ha solar irrigaiton projects, mahitungod nga dire na nira kinahanglan gumastos ha fuel ngan magagamitan gihapon ini han sustainable water sources.
Dugang hini, nga ginaadman gihapon han ahensya an pag a-acquire han mga fertilizer para ha tuna; samtang mas ginpra-prayoridad nira ha oras han kat-sirak an mga lugar nga may patubig agud masigurado nga dire madedelatar an produksyon ha nasud.
Suhestyon ni De Mesa, kinahanglan mag-invest an nasud ha water impounding projects ha mga watershed area, dire la agud mapugngan an pagbaha, kundi para magamitan an mga natirok nga tubig ha patubig ha irigasyon, irimnon, ngan hydro electric power generation.
