Usa nga importante nga kalampusan an nakab-ot han Eastern Samar Electric Cooperative Inc. mahuman aprubaran han Committee on Legislative Franchises han House of Representatives an balaudnon nga may panuyuan nga maghatag hin legislative franchise ha kooperatiba.
Sumala kan ESAMELCO General Manager Atty. Edwin Amancio nga an pag-apruba hini nga balaudnon han komite in usa nga dako nga pitad agud masigurado an padayon nga operasyon han electric cooperative.
Usa an prangkisa han ESAMELCO ha lima nga electric cooperatives nga gin-aprubahan han House Committee nga kun diin, ginpatapud hini nga magpapadayon gihapon iton ira pagpatuman han ira panuyuan nga makaghatag hin malalauman ngan de-kalidad nga serbisyo han kuryente ha mga molupyo han Eastern Samar.
Nagpahayag naman hin kinasing-kasing nga pasasalamat an kooperatiba ha mga miyembro han Committee on Legislative Franchises ngan ha mga miyembro han Power Bloc ha pagkab-ot hini nga kalampusan.
Kasunod naman han pag-apruba han komite, maagi pa an prangkisa ha mga masunod nga parte han proseso han lehislasyon ha House of Representatives kun diin, nagpapabilin naman nga positibo an ESAMELCO mahitungod ini na an siyahan nga pitad pakadto ha usa nga mas marig-on nga electric cooperative nga makakaghatag pa hin pag-uswag ha Eastern Samar.
