Nagpapabilin la gihapon an posibilidad han pagbubul-iw han pira nga prosecutor ha House Prosecution Panel agud magpabilin kumo spokesperson ha impeachment trial ni Vice President Sara Duterte.
Ini in kasunod han mas pagpapahugot han Senate Impeachment Court ha mga counsel han Defense ngan han House panel, sumala kan Lanao Del Sur 1st District Rep. Zia Alonto Adiong. An bag-o aludayday in kaparte han pagpapahugot han krote ha Rule 18 o sub judice rule, nga naglilimita ha mga pampubliko nga pahayag kasumpay ha merito han nakabinbin nga impeachment case.
Ha presente, gin aadman na han panel an aktwal nga implikasyon han sub judice rule ngan an sakop hini ha kagawasan han mga tagapagyakan nga magpahayag kasumpay ha nagpapadayon nga kaso.
Sumala kan Adiong, karuyag han panel nga masunod an ngatanan han aludayday han Senate Impeacment Court hin dire naisasakripisyo an katungod han publiko nga mas maintindihan an nagpapadayon nga kaso.
Bisan man kun mahugot gihapon an korte ha ga abogado nga magpahayag kasumpay ha impeachment trial, karuyag daw han House panel nga mai-eksplikar gihapon han mga abogado an pira nga technical terms ha kaso.
Sumala pa ha magbabalaod, kinahanglan in pantay an pagpapatuman han restrictions ha duha nga parte—dire la dapat ha prosekusyon an pag-hugtan ha paghingaday ha kaso kundi magin an depensa.
