Ginpaubaya han Malakanyang ha Senado an magigin desisyon kun magpapagawas hin subpoena kontra kan VP Sara Duterte agud piriton hiya tumestigo ha kalugaringon niya nga impeachment trial.
Sumala kan Palace Press Officer Usec. Claire Castro, aada ha senado na an desisyon kun hangyo-on han house prosecution panel nga umatubang ha witness stand an Bise Presidente agud pamatud-an an iya pagka-inosenta ha mga alegasyon kontra ha iya.
Ginmalatumat gihapon ni Castro nga posible karuyag han prosecution nga umatubang hi VP Sara mahitungod nga anay na hini ginpahayag an kaandaman atubangon ngan klaruhon an mga alegasyon kontra ha iya.
Samtang, ginmalatumat naman ni impeachment court spokesperson Regie Tongol nga posible nga magkamayda hin oral arguments kun pormal nga hangyo-on an prosecution han subpoena agud obligahon an Bise Presidente nga umatender ngan tumestigo ha trial.
