Natuod an anay Senate President nga hi anay Sen. Koko Pimentel nga pwed na imbestigahan an Office of the Vice President mahitungod ha maanomaliya nga paggamit han public funds.
Ini in bisan pa nagpapadayon na an impeachment trial kontra kan VP Sara mahitungod na gihapon ha kaparehas nga isyu.
Sumala kan Pimentel, waray ‘immunity from suit’ hi VP Sara ha ilarom han 1987 Constitution sanglit pwede la ini imbestigahan han Office of the Ombudsman kadungan han pagdungog nga ginbubuhat han Senado.
Kasumpay hini in pwede ha daw mag-initiate hin imbestigasyon an Ombudsman, kumo usa nga independent constitutional body.
Pwede daw igbasar han Ombudsman an imbestigasyon ha mga dokumento nga syahan na nga gumawas ha magkadiru-dilain nga forum sugad han mga imbestigasyon nga ginbuhat han House of Representatives ngan han Senado kumo impeachment court.
Ugsa ini in gin aghat gihapon ni House prosecutor Rep. Terry Ridon ang Ombudsman nga tikangan na nga imbestigahan an OVP mahitungod ha maanomaliya nga paggamit han confidential funds tikang 2022 kutob 2023.
Dugang pa, nagawas ha testimonya han mga House witness nga pira kabeses na nga gintalapas han opisina ni VP Sara an Commission on Audit Joint Circular 2015-01, nga nagpapahayag nga an special disbursing officer an mayda responsibilidad nga mag-disburse ha confidential funds.
