Gin sigurado han Malakanyang an bug-os nga pagtapod hini ha Philippine National Police (PNP) kasunod han pahayag ni Vice President Sara Duterte nga waray hiya tapod ha pulisya.
Sumala kan Palace Press Officer Claire Castro, ginbuhat han PNP an trabaho hini subay ha balaod, waray gin uugupan ngan waray halo nga pulitika.
Duon pa ni Castro, nagpapabilin nga propesyunal an kapulisan ha pag-atiman ha katungod han ngatanan han tawo nga aada ha ira proteksyon.
Gin aghat naman han Palasyo an hin-o man nga mayda reklamo o pagkabaraka ha aksyon han kaulisan nga igpaagi ha sakto nga proseso imbes nga magpagawas hin mga alegasyon nga waray suprisyente nga basaranan.
Gintagan-duon gihapon han Palasyo nga dire hini tutugutan nga gamiton an kapulisan kumo armas ha anuman nga klase hin karahasan.
