Iginduso ni House Special Committee on Food Security Chairman ngan Albay 3rd District Representative Raymond Adrian Salceda nga igbawal ha Pilipinas an pag-aangkat ngan kalakalan han mga produkto nga ginbuhat pinaagi han forced labor.
Nakasulod ini ha House Bill No. 10848 nga iginsalawad ni Salceda nga panuyo mapugngan an pagsulod ha nasud han mga produkto nga ginbuhat pinaagi han forced labot ngan paningabot.
Pag-eksplikar ni Salceda, may katugbang ini nga istoryahon nga moral mahitungod nga kun ginpapalit ngan ginkakalakal an mga produkto in nagigin kaparte han supply chain an pagkuri han iba nga tawo.
An panukala ni Salceda in kasunod han desisyon han Office of the United States Trade Representative (USTR) dida han Hunyo 2026 nga pahamtangan an Pilipinas hin 12.5 porsyento nga taripa ha sugad nga klase hin produkto mahitungod ha kawaray klaro nga patakarran kontra ha forced labor goods.
Sumala kan Salceda, mas maupay nga magkamay-ada hin balaod kasumpay hini bisan mayda ginbug-os nga inter-agency mechanism an Ehekutibo nga manginginano ha mga imported goods nga gindududahan han forced labor.
