Gin aaghat ni Pope Leo XIV an mga Kristiyanos nga mga political leaders nga may-ada kalabutan ha pagpapatikang ha nagpapadayon nga tensyon ha middle east nga analisaron an ira mga konsensya ngan manumpisal.
Ha naging pamahayag han Santo Papa ha usa nga pag-urusa han kapadian ha Vatican City, in gin-aayat hini an mga lider kun tinuod ba an mga ini nga nasud ha mga igin tutdo ni Hesukristo.
An nasabi nga pamahayag in kanit ha nagpapadayon nga panawagan han Santo Papa nga ig undang na an giyera ha Iran nga tinikangan han joint airstrikes han US ngan Israel dida han nakalaby nga Pebrero 28.
Mababaruan nga hi US President Donald Trump in dumako nga may pagtuo nga Kristiyano, samtang an iba naman nga dumagko nga opisyales han Estados Unidos sugad kanda Vice President JD Vance ngan Secretary of State Marco Rubio in mga katoliko.
Samtang, una na nga gin diwara ni Washington, D.C. Cardinal Robert McElroy nga an pag-atake han US ngan Israel ha Iran in “not morally legitimate” mahitungod nga waray ini pumasar ha susbaranan nga tutdo han Simbahang Katolika.
