NATIONAL NEWS– Bumwelta an Palasyo ha nagin patutsada ni Vice President Sara Duterte kasumpay hiton nagtitikahitaas nga utang han Pilipinas.
Ha gindumara nga protesta ha Ausralia, ginkwestyon ni VP Sara an sobra 16M nga utang han nasud ngan ginpahayag hine nga dire naabat hiton publiko kun diin nahihingadto an nasabi nga utang.
Sumala kan Palace Press Officer Claire Castro dire la han presente nga administrasyon nagtikang an nasabi nga utang.
Ginmalatumat pa ni Castro as of June 2022 ugsa nga lumingkod an Pangulong Ferdinand Marcos Jr. ha pwesto, ada na ha 12.79 trilyon an utang nga ginbayaan han Duterte administration.
Dugang pa hine, umabot hin 6.83 trilyon an gin-utang ha panahon han anay Pangulong Rodrigo Duterte, kabalyo ine hiton 115.1% nga mas hitaas kumpara ha mga nauna nga adminstrasyon.
Subay pa hiton Palasyo, naniningkamot an gobyerno nga malikayan an duro nga pangutang pinaagi hiton pagpapakusog hiton ekonomiya ngan hapsay nga pagkolekta han buhis.
