-- Advertisements --
TACLOBAN CITY – Titikangan na ha masunod nga semana an major repair han San Juanico Bridge tungod han damage ha pira nga parte han mao nga tulay.
Sumala kan Engr. Fernan Fabeli, Head han DPWH San Juanico Bridge, an ira pagdudumaraon nga paghingayad in ha may parte han Samar nga dapit han tulay.
Nag-advise naman an structural engineer nga kun pwede mga light vehicles la anay an pwede makaagi ha mao nga tulay mahuman an ira pagbuhos han mao nga structure.
Mahuman nira ma-clear ngan magbuhos ha mao nga tulay in magtitikang na hira nga deri magpaagi ha mga heavy vehicles.
Ginbabana-bana naman nga mahagos ha 2 kasemana nga deri pwede maagian hin mga dagko nga mga behikulo an tulay.
