TACLOBAN CITY – Iginpanhimuwa hiton pamunuan han 8th Infantry Division han Philippine Army an alegasyon han Communist Party of the Philippines (CPP) nga gindakop ngan gin-torture han militar an namatay nga mag asawa nga Wilma ngan Benito Tiamzon.
Sumala kan Major General Camilo Ligayo, division commander han 8th Infantry Division nga waray kamatuuran an ginpagawas nga pahayag han Communist Party of the Philippines ngan kaparte la ini ha ira propaganda.
Namatay daw an mag-asawa nga Tiamzon ha lehitimo nga military operations ha Catbalogan City, Samar dida han nakalabay nga Agosto 22, 2022 kon diin na-engkwentro han mga kasundaluhan an mga myembro han New People’s Army.
Dugang pa Ligayo nga diri angay igpagawas nga mga “bayani” an mag-asawa tungod ha kamatuuran hira in mga preso nga umeskapo ngan naatubang hin damo nga mga kaso.
“They will never be heroes. Maraming namatay, mga kabataan at militar ang nagbuwis ng buhay at mga sibilyan. Maraming buhay ang nawasak dahil sa impluwensiya ng dalawang ito” baton ni Ligayo.
Nagtutuo naman hi Ligayo nga yana nga tuig in mabubungkag nira an nabibilin nga duha nga guerilla fronts han NPA nga nag-ooperate ha Northern Samar labi pa nga waray na hira madig-on nga liderato.
“Ngayon may lumalabas na mga lider, but hesitant na sila and we will always find them. It’s just a matter of time”, pahayag ni Ligayo ha pakikipaghimangraw ha media.
Gin-aaghat naman hini an mga nabibilin pa nga mga rebelde nga magsurrender na ha gobyerno.
Mababaruan nga Benito Tiamzon in dati nga chairman han CPP Executive Committee samtang hi Wilma Tiamzon liwat in dati nga CPP Secretary General.
Dida han 2016, ha administrasyon ni Presidente Duterte, gintugutan hira nga magpyansa tungod han peace negotiations ha butnga han gobyerno ngan Communist Party Philippines New People’s Army – National Democratic Front ( CPP-NPA- NDF) kon diin usa hira ha mga NDF consultants.
