TACLOBAN CITY — Ginturn-over han Tacloban City Police Office (TCPO) ha Regional Civil Security Unit 8 an maabot ha 40 nga mga magkadurudilain nga klase hin armas ngan ammunition nga nakuha tikang ha kampanya kontra mga illegal nga armas ha siyudad.
Sumala kan PCapt Marjorie Manuta, tagapagyakan han TCPO, nga an mao nga mga armas in tikang ha mga nakumpiska, ginsurrender, gindeposito ngan gin abandoned & forfeited tungod han kawaray lisensya.
Ini in resulta han ira mas ginpakurukusog nga pagdumara hin “Oplan Katok” o house-to-house visits ha mga firearm holders.
Nanawagan naman ini ha mga nagtatag-iya hin armas nga talinguhaon nga igrenew an pirme an lisensya agud nga maibanan an ihap han loose firearms nga pupuydi nga magamit ha pagbuhat hin mga krimen.
