TACLOBAN CITY– Ginpahibaro han Leyte National High School, nga nahuman na hira mangarawat hiton mga enrollees, para hiton Grade 7 ngan 11 duha kasemana na an nakakalabay.
Sumala kan Bernie Jude Lamograr, Assistant Principal, Leyte National High School, kadugangan han Brigada Eskwela, enrollment naman para hiton Grade 8,9,10 and 12.
Dugang pa ni Lamograr, nga ira ginlalauman nga sobra 8,000 nga estudyante an ira ma-aakumodar yana nga school year 2025-2026.
Ginmalatumat pa hine, nga yana nga tuig lilimitaran nira an pangarawat hiton estudyante, matungod nga kun damo an ira ig-aakumodar in nagkukulang hira hin classrooms nga gagamiton para ha mga estudyante.
Mababaruan, ha pagkayana in mayda hira 25 nga mga classrooms an dire nagagamit.
Ginpaangbit pa hine, nga gintatalinguha nira nga dire masobra ha 45 nga mga estudyante an ada ha sulod hiton usa nga classrooms, agud nga ma-tutduan ine hin maupay han mga magturotdo.
Nagsuhestyon naman hi Lamograr, ha mga kag-anak nga aghaton an ira mga anak nga magpa-enroll ha pinaka-harani nga eskwelahan ha ira barangay, ngan dire na maghinirayo matungod nga paparehas manla an gintatamdan nga panutduan hiton kada eskwelahan.
