TACLOBAN CITY: Ginklaro han buhatan hiton Leyte Metropolitan Water District (LMWD), nga matungod han na-abat nga pag-inuran han nakalabay nga mga adlaw, nagkamayda hin pagpan-pan hiton tuna ha area kun diin nakuha hin suplay an Dagami ngan Tanauan Leyte.
Sumala kan Ronnie Cornico, Gerneral Manager han Leyte Metropolitan Water District LMWD, dayon hira nga nagdumara hin panginano matungod nga damo na an naaraba nga waray hira gingagamit nga tubig.
Dugang pa ni Cornico, nahibaruan nira nga mayda nakabara ha awasan han tubig, ngan dayon ine nira nga gin limpyuhan, agud nga magkamayda hin maupay nga dalagan an tubig ha mga konsumidor.
Ha pagkayana, ada na ha normal an awas han tubig ha Dagami ngan Tanauan Leyte.
Ginmalatumat naman hine, nga padayon gihapon an ira ginhihimo nga panbalyo han tubo hiton tubig ha metro Tacloban.
