ODD NEWS– Ginpamatud-an han usa nga residente han Tyler, Texas nga hi Richard DeFreece nga dire kinahangaln hin sobra nga kusog ha laas agud nga makadalagan ngan magin world record holder.
Ha iya nagin world record breaking attempt, nagmanilapuson hiya nga pil-on an 250 functional paper planes ha sulod la hiton usa ka-oras.
Nalahusan ni DeFreece an target nga 200 nga gintalaan han Guinness World Records.
Ginsigurado han mga opisyal nga an kada eroplano nga iya ginhimo in airworthy ngan nakakalupad.
Sumala kan DeFreece, duha katuig hiya nga naghulat ngan nag-ensayo.
Aminado hiya nga nagbiling hiya hin kakaiba nga record title matungod nga maaram hiya nga dire hiya an pinakamadagmit nga dumalagan ngan pinakamakusog nga tawo, pero ha pagpilo han papel, hiya an hadi.
Ha pagkayana, ginhuhulat nala niya an official verification han Guinness agud nga pormal nga maihatag ha iya an titulo.
